كم أسعار لنكون تاون كار 1997

طيب فكر في اللنكون الجديد من 2005 وطالع 
فيه نظيف ف السوق
ال 97 قديم ومنتهي ونادر تلقى النظيييف 

مثل ماقال اخونا الي فوقي شف لك من 2005 وطالع تلقى نظيف وسعره حليو اما القديم ماعاد ينفع وماراح تلقى النظيف بالسهوله

انا عندي فورد الحمد لله ماقد شكيت منه في يوم ولاحتى قد تعطل عليه في خط موتر كفو خدمني ولله الحمد
خدمني 3سنوات و8شهور اي والله وفي الفتره هذيك يطلب صيانات خفيفه جدا جدا اللحين خبط خلط ما مع زيت له حول اسبوعين
ونا ماعاد لي خاطر فيه فقلت مابعد الجراند ماركيز الا اللينكون التاون كار بس انا محتار والمشكله انه دخل مزاجي وما اعرف احد
يمتلك لنكن وبحثت في المواقع هنا ناس تمدح وناس ماتمدح والمشكله اني ماحصلت نظيف انا ودي احصل نظيف موديل 2006 او 2007
وكذا وحصلت اكثر من موديل بس غاليه مره مره بالحيل مرفعين في سعرها مره يعني حول ال36 الف وال40 الف مره غاليع
وباقي ادور وانشاء الله احصل نظيف واتوفق فيه طبعا المواتر توافيق
وكل اللي في السوق غاليه مره مطيرين اسعارها والدراهم قليله وما باليد حيله
وانشاء الله انه يكون خدوم اللنكن

ي رجال ابعد عنه نصيحه كان معي واحد والله ي عذبني عذاب يوم معي واسبوع بالورشه بس شكل ومنظر ووسيع من داخل فقط حاول تصرف النظر وتشوف موديل حديث احسن لك 

اذا بتاخذ خذ من 2006 وفوق الي يجي عدادين الضغظ والسرعة بالنسبة للخربات انا ما جربته بس معي ماركيز 2005 وماهو بعيد عنه
وسئلت كم شخص وقالو انه اطلق من الماركيز وممتاز وعملي بس مشكلته من وجهة نظري انه مو مرغوب في السوق ما اشوفه منتشر
يعني خذه استخدام اما بيع لا تفكر فيه