أضف سؤال أو موضوع جديد          

حل موضوع تصليبة القير

up 22 down 1
كلي وفاا 325
قبل 5 سنه و شهر



السلام عليكم هلا والله بالجميع اليوم صار معي موقف حبيت أذكره يمكن أحد يمر مثله ويستفيد
انا معي فورد لينكون قلت ابغير زيت القير والفلتر فكرت ببترومين بس حصل موقف معهم سوء اهتمام قلت بروح محل بنشر عادي ومعروف وبالفعل وصلت وسألته  بعض السيارات اذا غير زيت القير والفلتر يخبط القير قال لايهمك هالكلام قلت أجل توكل على الله وغيرت الزيت مع الفلتر والحمدلله طلعت والأمور على مايرام رحت البيت ومن بكره رحت لدوام ولما طلعت من العمل شغلت السياره وأبي اعشق صلب القير أن لله  وأن إليه راجعون أحاول مره مرتين بس مافيه أمل قلت أجل  اللي اقراه بالنت صار فيني عن تغير الزيت والفلتر يخرب القير فكرت وش اسوي قلت مايبي لها إلا سطحه  بس تذكرت بعض الورش اذا شافوا السياره فوق السطحه يعتبرونها فريسة لأنهم يدرون انك ماتقدر تأخذ راحتك وتستفسر عن خراب سياراتك لأنها فوق سطحه غيرت الخطه قلت بروح واجيب مكانيكي ومريت ورشه وعلمته بالي صار أني غيرت زيت وعقبها بيوم  صلب القير قال أنا ماطلع برى الورشة حاولت فيه وقلت بعطيك حق طلعتك بالاخير وافق وراح لسيارتي وبقلبي اقول يارب أقل المصايب مابي  يصدمني ويقول القير خبط ومننزل تحت الدركسون وفخص الفيوز  لقا واحد  حق السويتش على أنه سألني اول ماجيته وعلمته بمشكلتي قال السويتش شغال قلت ايه بس هو بالفعل شغال بس طلع لمبات البطارية وحقت الزيت والارباق  ماتولع غير الفيوز وابشركم من غير يفتح كبوت السياره عشق القير  ماشالله وكنت متأكد لو شلتها بالصناعيه أقل شي بطلع منها بدال التوضيب أجيب قير من التشليح بس الله فكني ورحمني الله بهذا المكنيك  اللي يخاف الله  واشتغل بذمه وعطيته والله فوق حقه ورفض بس اصريت انا لأني كنت بتمرمط لو شلتها بسطحه وبلقى تخمين يوصنلي ابيع السياره تسليح  فياحبابي لاتستعجلون بالحكم على السياره على أن سيارتي قبلها بيوم مغير زيت القير والفلتر يعني البعض بيربطها مع تصليبة القير لأن مكمل 24 ساعه على التغيير اللي أبيه منكم لو توقف السياره مكانها ولاتخليها طعم فوق السطحه يتصيدونها بعض النصابين الأفضل تسأل عن خراب سيارتك بالنت وتشوف المشكله اللي مشابهه لخرابك  وتقارن  لاني والله يوم ماعشق القير دخلت النت ولقيت بعض المواضيع تتكلم عن الفيوز وماشابه وهذا الي ماخلاني احرص اني اشيلها بسطحه اذا فهمت حتى لو ادعيت انك تفهم قدام المكانيكي ماراح يراوغ معك لانة شاك انك فاهم لماتكلمه  وبالتوفيق للجميع والله يكفيكم شر الأعطال  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير.. وشكرا على نقل التجربة فعلا مفيدة وممكن هذا الموقف يحصل لاي احد 


up 0 down 0
king.king 833
قبل 5 سنه و شهر



شي جميل جدا
لكن سبحان الله ما خرب الفيوز الا بعد تغيير الزيت
على العموم مبروك


up 0 down 0
mohammed-66 111
قبل 5 سنه و شهر



هلا اخوي كينق شرفت بالمرور وحياك الله لاخلا  ولاعدم 


up 0 down 0
كلي وفاا 325
قبل 5 سنه و شهر



هلابك اخوي محمد ياهلا أي والله مصادفة عجيبه الفيوز خربت بنفس الليله اللي غيرت فيها زيت القير والحمد لله أولا وأخيرا ومرحبا فيك مليون والله يكافيك شر الحوادث والمصائب والاعطال 


up 1 down 0
كلي وفاا 325
قبل 5 سنه و شهر



يا أخوي خراب القير من الزيت و الفلتر مهوب بنفس الطريقة اللي ذكرتها لا أكذبك ولكن ربما حدثت معك و كانت رحمة من الله 

أنا قصتي كالتالي سويت شفط للزيت للنصف و عبيت زيت بقدر الزيت اللي شفطه البنشري و أنا أصلا ماسويت هالحركة إلا لأن القير أحس أنه قام يفلت ولا يعشق مضبوط 

المهم و ضبط القير لمدة شهر تقريباً ...

ثم طلعت مرة للجامعة و سوى حركة وهي أني أمشي إلى حد 30 بعدين يصير الموتر كأنه بال N و أهدي و أطفي و أشغل و يضبط 

إلى أن وصلت البيت و كانت تولع لمبة HOLD بالطبلون  طبعاً شلت الموتر بسطحه و على صناعية العروبة و أنزله عند ورشة تباس متخصصة بقير الأتوماتيك 

المهم ركب السوري و ساق الموتر و مافيه شيء رجع طبيعي ,, قال لي الموتر مافيه شيء قلت طيب وقف بركب أنا أجرب 
و أجلد الموتر و أسوق سواقة ماهيب مثل سواقتي الطبيعية أبي أطلع علته كود يعرفها الميكانيكي 
الموتر صار أحسن من أول حتى تغيرات القير أفضل ! 

نزلت الميكانيكي قلت سلام عليكم و يسلك الموتر 3 شهور مافيه شيء ثم بعدها طالع من الجامعة نفس الحركة اللي قلت لكن صارت أول مايرتفع الأمبير حق السرعة ما عاد يعشق 

وقفت على جنب و جبت سطحة و نزلته عند البيت و دخلناه البيت و شريت فلتر قير و زيت و غيرتها فالبيت و صار الموتر مجنون و عزم بطران و تعشيقات تقول موتر وكالةة 

جلس أسبوع بعدين ودعع القير 4ever  ههههههههههههههههه و 3500 توظيب 

و السيارة أوبترا 2005 ... ذكريات 


^^^

قيور اللينكون فورد الفكتوريا والماركيز قوويه وتتحمل 

واسأل مجرب كان معي فكتوريا كاااارفه كررف الويل   وفجأه حسيت تبديلاته فيها تأخير وتقدييم وثقيله السياره

مريت اقرب بنشري وغير لي زيت القير مع الفلتر ب 140   ورجت تبديلات السياره زي الحلاوه

سحب العلبه وتزويد علبه هذي لأغلب السيارات اللي قيورها حساسه



up 2 down 0
شكلين مابحكي 3159
قبل 5 سنه و شهر



موضوعك غير متناسق حاول تحط بين كل سطر فراغ  وشكرا على معلومات 


up 1 down 4
سكودر 14928
قبل 5 سنه و شهر



وشكرا على نقل التجربة فعلا مفيدة.


up 0 down 0
Abu Tariq 16 1086
قبل 5 سنه و شهر




الطريقة موجودة ومشروحة فاليوتيوب لمن يريد الاطلاع

http://www.youtube.com/watch?v=GkNR6Tby_z0


up 0 down 0
دكتور مرسيدس 110
قبل 5 سنه و شهر