أضف سؤال أو موضوع جديد          

مشكله واتمنى من الاداره حلها

up 3 down 0
abo tawfiq 372
قبل 5 سنه و 7 شهر



بسم الله الرحمن الرحيم ..

اخبار الشباب عساكم بخير ، كيف مستعدين لرمضان ان شاء الله ، الله يبلغنا ويبلغكم رمضان

وانتم ونحن في صحه وعافيه ، طبعا يا اخواني اغلبكم او الاكثريه هنا في الموقع وانا منهم

 كيد عرض سياره للبيع ، المشكله مو هنا ؟؟؟؟؟

المشكله في الناس الي تتصل عليك وتقولك يبغى يجي يفحص او بيشتري ويوعدك

ويعطيك موعد  و ( يسحب عليك ) ولا شال هم انك مشغول وكنسلت شغلك عشينه 

خاصه الناس الي لهم رغبه قويه بالبيع يمكن بسبب ظروفه او مستعجل بيشتري 

سياره ثانيه ووو......... , المهم الادمي ذا الي عطاك الكلمه وسحب عليك للاسف 

ما يكلف نفسه يدق عليك حتى دقه او يرسل رساله انه ما يبي السياره او انشغل 

والمصيبه اذا دقيت عليه يا يعطيك مشغول او ما يرد .

طبعا اظنكم فهمتو الموضوع من المقدمه الطويله ذي ، بس بقولكم قصتي مع واحد

الاشكال ذي ، قبل كم شهر يمكن عرضت سياره موجوده عندي للبيع وصراحه 

كان لي رغبه شديده في البيع لانها كانت مضايقتني في الوقفه قدام البيت وما

كنت استخدمها كثير ، المهم عرضتها وجاني واحد وكلمني وقالي ابي اقابلك 

والسياره جازتله ويبي يفحص قلتله طيب واعطاني موعد ، طبعا انا كنت 

حاط في بالي ان الشغله ما تاخذ نص ساعه او ساعه بالكثير ، المهم

وجاء الموعد واستناه واستناه وتمر ساعه وساعتين ، وانا اعترفلكم 

اني غلطت يوم استنيته بس لا تلوموني ، زي ما قلتلكم كان عندي

رغبه شديده في البيع ، المهم ادق عليه والله ما اخبر هو عطاني مشغول 

مدري ما رد علي بالمره المهم انه سحب علي كلمته واتس وما يرد برضه

طبعا الشغله الضروريه الي كانت عندي سحبت عليها بسبب الادمي ذا 

وسويتها بعدين وما اقول الا حسبي الله ونعم الوكيل .

وليومكم ذا ما شفتله خبر .

طبعا السياره كنسلت بيعتها ضبطتها شوي وعطيتها اخوي 

الصغير ، يداوم عليها ايام الدراسه ويقضي بعض المشاوير 

القريبه اذا كنت مني موجود في البيت .

والحمد الله ، طبعا انا اطلب من الاداره ( الاعضاء الله يجزاهم خير 

كيد تكلمو في الموضوع ذا كثير ) ونرجع ونقول للاداره تشوفلنا 

حل مع الاشكال ذي مشاءالله عليهم حطين شروط كثيره ما اظنهم تصعب عليهم

يحطون شرطين ولا ثلاثه في الموضوع ذا .


هاذا الي كنت حاب اوصله لكم وبالاخص للاداره حقت الموقع.

وموفقين جميعا انشاءالله .

ولا تنسو سوره الكهف .

في امان الله .

اخوكم : ابو توفيق 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا اللي اشوفه ان الموقع من ناحية البيع والشرا

مافيه احد صادق لانه مفتوح للصغير قبل الكبير

فااغلب يسوم ويعطي ارقام لبوه او اخووه وهو تلقى اللي يبي السياره حقتك صغير سن

وماخذ رقمك

اللي يبي البيع والشرا المعارض وغيرها لايدور


up 0 down 1
amear 1347
قبل 5 سنه و 7 شهر



لاتعجط رقمك على العام عشان الورعان والازعاجات ماتجيك

حتى سيارتي عرضتها للبيع واحد عطاني عربون 5 الف وسحب فيني اخر شي يقولي جاتن بعثه وابي اسافر ورجعلي العربون
قلتله توكل على الله العربون على اتفاق البيعه وانت سحبت 
حطيت العربون فجيبي ولعلها خيره


نسيت اقولك
الاداره ماراح تنفذ اي حلول او اقتراح الا اذا كان يدخل عليهم فلوس ولايهمه اللي يصير في الموقع اهم شي عندهم الفلوس


فعلا تصرف مزعج ولكن صعب التحكم فيها لإنها تصرفات فردية بحتة تعتمد في تنظيمها بين البايع والمشتري فقط .
لكن فيه خطوات تنفيذها والتقيد بها بيساعد كثير على تقليل مثل هذي الحالات : 
1- المفروض الإدارة تضع شروط محددة على أي شخص يبي يبيع سيارته ولازم يتقيد فيها : 
* اللون / المسافة اللي مشتها السيارة / نوع القير / فئة السيارة فل او نص فل او غيرها / موديلها .
* عدد 5 صور كحد أدنى للسيارة ( الأربع جهات + صورة للداخلية ) 
* ذكر جميع العيوب والمزايا .
كل ماذكر البايع تفاصيل أكثر بيريح نفسه من الأسئلة والإتصالات الكثيرة وبيقلل حيرة وتردد المشتري
لأن معظم الأشياء اللي تشغل باله ويفكر فيها تم ذكرها في الموضوع .

2- يكون التواصل عبر الرسائل الخاصة واللي جاد في الشراء يتم تنسيق موعد معاه بعد الإتفاق على الأساسيات .
3- الإتفاق بين البايع والمشتري على الإلتقاء في مكان مناسب للطرفين 



up 0 down 0
a.aljaaidi 88
قبل 5 سنه و 7 شهر



انا صاري موقف مع واحد سمت سيارته وقالي بعتك واتصلت عليه كم مره قالي مشغول
وبعدين حط اعﻻنه مره ثانيه وكلمته وقال اخوي اللي باعك مش انا ورفع السعر والسياره
الي اﻻن موجوده معروضه لها سبع شهور ما انباعت وش يحس هذا


up 0 down 0
يزن خالد 62
قبل 5 سنه و 7 شهر



ودك موقع حراج يحطون نظام فحص معتمد للسيارة المعروضه وياخذون شي رمزي على البائع وتكون زي التوصيه انها اجتازت اختبارات موقع حراج
والله لطلع ذهب يا راعي الموقع الله يرزقك كل خير

اللهم ارزقني وارزق اخواني المسلمين


up 0 down 0
hasan85 230
قبل 5 سنه و 7 شهر