أضف سؤال أو موضوع جديد          

بدخل موتر النترا2013 وعندي استفسار ياخوان ارجوالافاده

up 5 down 15
العميل z1 -41
قبل 5 سنه و 9 شهر



السلام عليكم ورحمة الله وبركاته

كيف حالكم يااخوان انشاءالله بخيرْ,,

عندي استفسار وماعليكم امر

بكره ان شاءالله بدخل موتر اخوي الاصغر مني الوكاله النترا 2013 ماشيه 90الف وهذا وقت تغير زيت القير

وبغيره بالوكاله وفيه كم ملاحظه عندي

اول شي ازارير الدركسون حق المسجل ماتشتغل نهائيا مادري وش السبب بس الظاهر على كلام اخوي انكب عليها شي

ولمبة الايرباج مولعه بدون سبب ماقيد جاتها دقه من قدام الحمدلله واش تتوقعون تحتاج برمجه ولافي احتمال يكون فيه حساس خربان؟؟

وبالبوري كمان موشغال وكل هذي الاعطال ماجات مع بعض بينها فترات بس توها على 70الف خربة والحين ماشيه90الف

واخر شي وحده من حساسات الصدام الخلفيه طايحه والحساسات شغلها ملخبط موشغاله زين اش رايكم شغلتها بسيطه وين اسويها وكم تكلف وهل ينباع الحساسه لوحده وكم تكلفته وهل يحتاج لبرمجه ؟؟

والبوري من ايش يكون العطل وهل احتمال يتغير وكم تكلفته مع تغير زيت القير والفلتر؟؟

واشكر كل من زار موضوعي سواءافادني اوصكني بديس لايك ومشي هههههههههههههههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
البوري و ازرار الدركسون و لمبة الايرباق شغاله 
3 اعطال هذي كلها تدل أكيد على عطل شريحة الدكسون 
سعرها جديد اكيد غالي ولكن خذها من التشليح بسعر اتوقع اقل من 300 ريال وتشتغل كلها عندك
ولمبة الايرباق شغاله
لا تتعب نفسك وتوديها الوكاله وخسارة حلها قلته لك


up 0 down 0
أبو عبدالله .... 76
قبل 5 سنه و 9 شهر



هذي ٢٠١٣ ولا ٩٩


up 8 down 3
أبو ناصر 61
قبل 5 سنه و 9 شهر



^^^ مشاء الله تبارك الرحمن مشية ٩٠ الف بسنة وحدة
لا تغيير زيت القير قبل ما تكشف علية في للزوجة والا صار موية

لان الزيت يستهلك بعد ٣ سنوات اذا الممشي طبيييييعي
اما تستهلكة بسنة وتغيرة فجاة ممكن يتضرر القير

وبعددد التغيير امشي علية كأنه موظب فترة ٢٠٠٠ كم 
بدون ما تشد وقومات وجهد عالي 
وياليت تكون بيدك انت مو اخوك المدمر هههه


up 0 down 0
aziz..747.. 2424
قبل 5 سنه و 9 شهر



النترا فيها عيب وهو شريحه الدركسون تخرب بسرعه 
وتولع لبه الارباق


up 1 down 0
نادرالزهراني 434
قبل 5 سنه و 9 شهر



زيت القير تغيره الكتيب مكتوب على 90 الف
البواجي - شيك على كراسي المكينه والقير شف
الجلد فيها شقوق او شي عاد شوارعنا ماترحم
العكوس شيك ﻻن السياره دفع امامي 
يشوفلك الرمانات 
غير الفلاتر مكيف ومكينه 
البوري يغيره لك على الضمان انا مغيره
على الضمان اذا علقت على البوري 
بدايته صوت طبيعي بعدها يتغير


up 1 down 1
ابوسعيد الاحمري 1017
قبل 5 سنه و 9 شهر



الله يكون بعونك علئ ميد ان كوريا
هذي وهي 13 كيف بعد كم سنه


up 1 down 1
فيصل العيسى -169
قبل 5 سنه و 9 شهر



الحساسات مايبغالها برمجه 


up 0 down 1
وعلى نياتكم ترزقون 311
قبل 5 سنه و 9 شهر



ابشركم رحت للوكاله على اني بغير الشريحه على حسابي قالولي نغيرها للك على الظمان وسوية صيانة 90الف وصلحولي الحساس شغلته بسيطه واليوم العصر قالولي تعال خذها اشكر كل من شرف موضوعي وافادني ونقلة لكم التجربه للافاده اهم شي السياره ماتطلع عن الظمان حتى لوماسوية ولاصيانه


up 1 down 1
العميل z1 -41
قبل 5 سنه و 9 شهر



السلام عليكم ورحمه الله وبركاته 
بنسبه لشريحة الدركسون النترا2013 حصلتها في الوكاله سعرها280 والتركيب 350 
سعرها برى الوكاله 150 والتركيب 70 


up 0 down 0
aassaadd
قبل 4 سنه و 2 شهر