وش رأيكم في اللنكون تاون كار

قطعها الاستهلاكية نفس اخواتها الفكتوريا والماركيز 
لكن تختلف البدي لأنها اطول 
عموما استخر 

وانا من رأيي تشتري جراند ماركيز 2009 ولا 2010 بقيمتها افضل 

^^^

نعم اغلب قطعها نفس الماركيز ولاكن بعض القطع تختلف وغاليه اذا حصلتها وثقيله نوعا م مقارنه بالماركيز والفكتوريا ولاكن مريحه جدا وفخمه جدا مقارنه بسعرها المعقول

هو قال رايكم في السياره م قال جيبوا خيارات ثانيه ال97 منها فخم ومريح والحراره م شاء الله والمكيف ثلاجه اكيد 2008 بتكون افضل 
قطع غيار مالي علم فيها رساوتها والله م ادري لكن م اتقوع بتكون راسيه لانها حقت فخامه ماهي للرسعه والرساوه 

الفل اسمه كارتير 

على البركه مقدما
وثانيا قطعها الداخليه مثل الماركيز والفكتوريا رخيصه لكن القطع الخارجيه غاليه لكن تحصلها بالتشليح
واضربلك مثال الشمعه الاماميه يمين سعترتها بالوكاله حول ال6000 لموديل 99 لكن زي ماقلتلك التشليح حصلتها عندهم ب 200 ريال
وعلى العموم موتر مريح وممتاز جدا

التاون كار فخم وراسي لكن يعبها ان الموتر سواقته في المدينه والزحمات متعبه لآن الموتر رفرفه عريض ووزنيته صعبه
لكن في الخط ما ودك يخلص الطريق من الراحة والرساوة
وبخصوص القطع  المكانيكية مثل الفكتوريا لكن الاختلاف في قطع التكييف وغالية جدا مثل ثلاجة المكيف ب٣٠٠٠الاف وموجودة عند الجزيرة فقط

اهي اخت الفكتوريا والماركيز
لكن افخم بكثير وأحلى
بالنسبة لقطع الغيار ما عندي علم
بالتوفيق

هي مع واحد من الزملاء صراحه سياره مره فخمه ومريحه وراسيه
فعلا مثل ماذكر احد الاخوان هنا اذا مسكت فيها خط ما ودك توصل من الراحه والرساوه الي فيها
وزميلي لها معاه ثلاث سنوات ويمدح فيها مره

هي جمله وحده...ابعد عن الشر وغني له..وسلامتك

اخوي في احد من الاصحاب معه لنكن 2009 ماشاء الله عليها خدومه ولين الحين معه وشكرا اخوكم ابوخالد504

في واحد من أخوياي كان معه واحد للأمانه كان مبهذله أعطال في القير والالكهرباء الين في الاخير باعه .

هي تشترك مع خواتها الفكتوريا والماركيز  بالمكينة والقير والشاصي وبعض المكونات لكن السيسبنشن نظام التعليق يختلف  والعزل فرق كبير ماتسمع صزت المكينة

موتر ممتاز ومريح لكن انتبه لنظام الهيدروليك وافحص قبل لاتشتري في اماكن كويسه
لان مشاكله مكلفه شوي لكن موتر خط والنعم فيه وقطعه غالبا نفس الفورد والماركيز
عدا الاكسسورات الخارجيه وتلقى منها درجات سعرها طيب

تطابق الماركيز والفيكتوريا في كل شي باستثناء الكرونة ونظام التعليق

موتر ما عليه كلام 

لكن عليك بالنظيف ثم النظيف 

اخوي انا معي وحده 2008 ماشاء الله عليها لها معي5 سنوات
 مشتكت من شي غير كفرات غيرت وزيوت عزل فوق الممتاز رساوه كنك بمرسيدس
بنسبه لقطعها ماتختلف عن المركيز ولفكتوريا اما الاكسسوارت تختلف وقطعها رخيصه بتراب
صدام امامي شريته 250 وصدام خلفي 350 انا مجرب سياره ماعليها كلام  بنسبه لقطعها رخيصه مره حتى الاكسسوارت

اخوي انا معي واحد موتر حلو مره احسن موتر شريته
1- انبغيت راحه مريح
2-ان بغيت قطع متوفره ورخيصه نفس الماركيز والفكتوريا وقطعها نفس بعض
3- اختلاف شكل افخم واريح من الفورد العادي وكشخه 
4-ميزته ماتغير شكله من2003 لين 2011
5- كل قطعه فورد عاديه مايفرق شي غير شكل
6- راسي مع الخط 
بختصار موتر فخم ويكرف بنفس الوقت ماتلقى نفس هل موتر  يستاهل انصحك في 

بنسبه للهيدرو ليك اذا ماهو عاجبك تقدر تشيله وتركب يايات فورد عادي مايحتاج ترهيم ولا تلحم ولا خربيط