أضف سؤال أو موضوع جديد          

استفسار ياخوان بخصوص اللنكولن LS ارجوا الدخول ضروري

up 1 down 0
camry grandi 99 7274
قبل 7 سنه و 11 شهر



                                     السلام عليكم ورحمة الله وبركاته 


اول شيء كل عام وانتم بخير والله يعيده علينا وعليكم بالفرح والمسرات والله لا يريكم مكروه

ثاني شيء انا لقيت في احد الاعلانات عن لنكولن LS 2002 والموتر والله عجبني ونظيف واتفقت مع الرجال اني اشوفه بعد العيد

بس الموتر ذا ماعرف فيه شيء ابد 

اللي ابيه منكم كيف الموتر استخدامه وهل قطع غياره متوفره وهل ينفع للاستخدام اليومي لان راعيه ينصح فيه ويقول موتر كويس

فما ادري هل الموتر ينفع او لا 

واتمنى من اللي يردون انهم يكونون واثقين من كلامهم عشان ما اتوهق هههههههه

بالتوفيق يالغالين وهذي صورة للتوضيح 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


نصيحه ابعد عنه كان مع  احد اصحابي زيك كذا اعجب فيه وفي شكله  وموصفات الي فيه وسعره رخيص 
  خربات حساسات حراره  قطع غيار  غير متوفر   فيه قطع بس غالي  مره 
 على فكره كلام هذا قبل 3 سنوات  مع علم صاحب سياره حدها على خويي 12 الف وكان يبي فرقها 


up 3 down 0
سكودر 14927
قبل 7 سنه و 11 شهر



طيب ياخوي سكودر اللي مع خويك كم ماشي واخاف انه منتهي ههههههههههه وبصراحه كلامك رددني كثير وبالنسبه للحراره يمكن فيه مشكله بالبلف او الرديتر ومو شرط ان الموتر يسخن كثير

لان هذا واضح انه نظيف ماشاء الله وممشاه ما تعدا 180 الف 

على العموم مشكور وماقصرت يالغالي وونتظر البقيه


up 0 down 0
camry grandi 99 7274
قبل 7 سنه و 11 شهر



يالحبيب هذا تراه اوروبي فورد عندها مصانع في اوروبا وتنتج لمونديو والفوكس واللينكون ال اس وبعض السيارات وهاللينكون تراه فخم وقوي وجبار لكن تراه معقد ابن ستين عقده وحتى قطعه ماتوقع تلقاها وتوقف من زمان مدري ليه رغم انه فخم وقوي


up 4 down 0



هلا بك اخوي شاقح 

طيب وش رايك اخذه والا لا هههههه والله انا عجبني الموتر حيل وسعره مناسب مره والموتر سعودي وممشاه ما تعدا 180 الف 

هل تنصحني اخذه ؟؟ والا لا طبعا الموتر لاخوي مو لي


up 0 down 0
camry grandi 99 7274
قبل 7 سنه و 11 شهر



هههههههههههه دامه لخوك خلاص خذه والنكبه بتكون على اخوك انت بتطلع منها سلام هههههههههههه يارجال روح الوكاله واسئل عن توفر قطعه وصيانته ترى مب اي واحد يسوي صيانته


up 0 down 0



والله لو علي انا اقعد على البليزر اصرف هههههههههههههههههههههههههههههههههه 

والله من شكله اول مره اشوفهه وباين ماله شهره عندنا وهنا فالسعودية موتر مشهور خذه مهب مشهور لاتاخذه 

وانا انصحك خلك على موترك الفورد دامه نظيف وتحت رجلك 

وبالنهاية وانت بصحة وسلامه 


up 2 down 0
راكان-505 7169
قبل 7 سنه و 11 شهر



هو امريكي الشاصي والممحركات اذا كان 8 سلندر جاكور اس - تايب وتشترك معاها بكثير من القطع


up 1 down 0
talal abdullah 5419
قبل 7 سنه و 11 شهر



هههههههههههه عفوا توني اركز ان الموتر لاخوك والله نصيحة لو ياخذ اكسنت ولا ياخذه 


up 0 down 0
راكان-505 7169
قبل 7 سنه و 11 شهر



ههههههههههههه لا والله بيجلس يدعي علي ويقول انت اللي موهقني فيه هههههههههه

والله شكلي قبل اشوف الموتر بروح للوكاله بعد العيد وبسال وان صارت القطع متوفره واسعارها معقوله توكلنا على الله وخذيناه لان بصراحه ملينا من السيارات المعروفه نبي نغير شوي ههههه


up 1 down 0
camry grandi 99 7274
قبل 7 سنه و 11 شهر



هلا بحبيبنا راكان وين الناس طولت الغيبات ههههه

والله وانا اخوك انا اعرف الموتر من زمان بس ماعرف عنه شيء يعني بالعربي اشوفه بالشوارع فقط هههههههههه ولا قد ركبته وسقته

اخوي طلال عبد الله هلا بك حياك والله وانا اخوك الموتر نعم 8 سلندر ومكينته قويه على حسب كلام راعيه وانه نشيط بس اذا على كلامك انه مشترك مع الاس تايب الجاكوار عز الله ماكدينا خير ههههههه

بالتوفيق لكم جميعا


up 0 down 0
camry grandi 99 7274
قبل 7 سنه و 11 شهر



لو مشترك مع الجاكوار راح تكون القطع اغلى لان الجاكوار سيارات غالية جدا 


up 0 down 0
راكان-505 7169
قبل 7 سنه و 11 شهر



هو نزل منافس من فرع لينكولن فورد >> للكاديلاك CTS وهي تعتبر ارحم منه هههههههه ،

الي اعرفه قـــوي ع حجمه ، معقد وغبي بالانظمة ، مثل STS بالتسعينات ههههههه كان إالغااام والتاون كار ، طبعا كل مافيه بـ $$$ مدري له ممكن عشان من فرع الفخااامه الخايسه ،،،

والقطع بمدة وانتظار هههه تنسى ان عندك سيارة محتاجة قطعه



up 1 down 0
aziz..747.. 2421
قبل 7 سنه و 11 شهر



يعني بالعربي انحاش ههههههههههه

والله ردودكم تخوف وشكلي بهون عنه بس المشكله اني اتفقت معه وقلت له خلاص بقابلك هههههههههه

بقول له حصل لي ظرف ولا قدرت اشتري والله يكون بالعون ههههههه

بالتوفيق يالغالين ولا هنتوا كلن بأسمه


up 0 down 0
camry grandi 99 7274
قبل 7 سنه و 11 شهر



مشكور اخوي سلطان ولا هنت ع الرد الجميل وانا بصراحه شكلي هونت بشكل كبير وماعتقد اني راح اخذها

موفق يالغالي ما قصرت 


up 1 down 0
camry grandi 99 7274
قبل 7 سنه و 11 شهر



أخت اللومينا 2002 هذا اذا مو أخس منها وانت عليك تفسسير معنى كلامي


up 0 down 0
شكلين مابحكي 3159
قبل 7 سنه و 11 شهر



اخوي ششكلين ما بحكي هلا فيك يالغالي وفعلا فهمت كلامك هههههههههههههه الله يعين بس وانا اصلا خلاص صرفت النظر عنها 

اخوي سلطان حياك الله يالغالي انا توقعت تقصد فورد مونديو هههههه ومشكور ع الافاده

بالتوفيق ان شاء الله 


up 0 down 0
camry grandi 99 7274
قبل 7 سنه و 11 شهر



الله يطرح لك البركه في أخيير منها ان شالله


up 1 down 0
شكلين مابحكي 3159
قبل 7 سنه و 11 شهر



امين الله يجزاك خير يالغالي 


up 0 down 0
camry grandi 99 7274
قبل 7 سنه و 11 شهر